Reglubundið námsmat og einstaklingsbundin skráning á námsframvindu er mjög mikilvæg. Fjölbreytilegar námsmatsaðferðir eru notaðar til að gefa betri mynd af stöðu hvers nemanda.
Á meðal þeirra aðferða sem notaðar eru má nefna ferilmöppur, kannanir, nemendaviðtöl, sjálfsmat, símat o.s.frv.
Í Mentor er komin ný leið til að skrá og birta námsmat út frá markmiðum og nefnist hún Námsframvinda. Skólinn hefur hugsað sér að taka upp þessa leið og verður unnið að því í vetur.
Þrjár námsannir eru á hverjum vetri og lýkur þeim flestum með foreldradegi. Nokkrum dögum fyrir foreldradag eru námsmatsmöppur sendar heim með nemendum til að foreldrar geti farið yfir vitnisburðinn fyrir viðtalið. Enn fremur þreyta nemendur í 4. bekk og 7. bekk samræmd könnunarpróf í íslensku og stærðfræði þ.e. 17.-18. september. Fyrsti foreldradagur var í byrjun haustannar. Markmið viðtala þann daginn er að hitta foreldra og nemendur og ræða saman um skólabyrjunina og nám á komandi vetri. Er þá tilvalið fyrir foreldra og nemendur að koma fram með styrkleika, veikleika og óskir nemandans. Aðrir foreldradagar eru á annarskilum, í nóvember og febrúar. Þá er uppgjör á þeim hluta skólaársins sem lokið er, farið er yfir námslega stöðu nemenda, ástundun, hegðun og líðan og annað það sem liggur mönnum á hjarta.
Samræmt námsmat í verkgreinum
