Þriðjudaginn 3. september hlupu nemendur Sunnulækjarskóla Ólympíuhlaupið (áður Norræna Skólahlaupið). Hringurinn sem var farin er 2,5 km og gátu nemendur valið um 1-4 hringi. Nemendur réðu sinni vegalengd og hraða, fyrst og fremst lögð áhersla á holla hreyfingu og að allir tækju þátt. Það var góð stemming í hlaupinu, frábært veður og mikill metnaður hjá nemendum. Það voru 90 nemendur í skólanum sem að hlupu 10 km sem eru fleiri en áður. Alls hlupu nemendur í Sunnulækjarskóla 2795 km, virkilega vel af sér vikið.
